لما تحصلنا مشكلة .. من النوع ال لازم بعديها مجرى حياتنا يتغير
* طريقة تقبلنا للحياه دى بتتوقف على الشخصية ال فرضت عليها الظروف انها تتحمها
__ فى ناس لو الظروف الجديدة مش فصالحهم ممكن تتمرد . ترفض . تنكر الحياه الجديدة.
__ و فى ناس ممكن يحاولوا يتعايشوا مع حياه مش حياتهم وناس متعودوش عليهم لمجرد انهم
بيحبوا الحياه اين كانت على مزاجهم أو لأ
__ وفى ناس تانية بيحاولوا يمشوا الحياه دى بحسابتهم هما وبرأى منهم وأى رأى تانى مش هياثر فيهم
لانهم ببساطة متعودوش على التعود على نتائج الظروف ,, بس بيتعبوا اوى لما يحاولوا يوصلوا الفكرة دى
للناس ال حواليهم ومع مرور الايام هيتعودوا على الراى دا ويحترموه .
العزيمة والاصرار .. أهم حاجة بعد أى كارثة أو مشكلة تحصل ...........
أحيانا الناس الضعيفة متقدرش تواجه الظروف ودا لأنها مش فاشلة لأ النفوس والقلوب ليها حد معين فقوة التحمل . وكون ان ربنا رزقك بقوة تحمل للمشاكل وانك تقدر تواجها بعقل وحكمة ف دى فحد ذاتها نعمة كبييرة اوى لازم تحمده عليها .
اهم حاجة بقى وال ممكن تقلب تفكير اى شخص وتعكر مزاجه وتخليه مش عارف يتحكم فافكاره واعصابه بعد أى مشكلة .. ( كلام الناس . وبالذات لما يكونوا عايزين يعرفوا حجات مش من حقهم يعرفوها ) . .. دى لوحدها لو معرفناش نتغلب عليها هتقلب بلد بحالها مش انسان !!
__ اركن الناس ال واقفة فطريقك .. هات كلام الناس دا واحرقه وارميه ورا ضهرك ,, متتأثرش بيه لانه عامل زى السحر !!
متحاوش تقول كل حاجة لاى حد حتى لو كان صديقك ال المفروض بتقوله على كل حاجة .. ممكن تقول السطحيات علشان ميحصلش لبس عند الناس المقربة منك .. بس متحاولش تقول كل حاجة عن المشكلة لأى حد وبالذات التفاصيل .لأن وجه الاستفادة من الحكاوى دى .. صفر .. وحتى ان مكنش فى استفادة او غيره .,,. بس مترخصش حياتك عند حد ممكن فيوم يبيعك وتندم عاليوم ال قولتله فيه حياتك ومشاكلك .. ودى ( وجهة نظرى )
